Skeealyn Vannin, Disk 2 Track 07i: Speaker: Sage Kinvig, Ronague, Arbory
https://www.youtube.com/embed/wzhU8Ubiw_YDate(s): 1948
Creator(s): Irish Folklore Commission
Transcript: 536a - Hymn 93 - Page [ 98 ]
Cur shiu sidooryn Chreesht
‘N eilley caggey meiu;
Coamrit lesh pooar ta troggit neesht
Ta Jee dy ghialdyn diu;
Niartal ayns Creest ny’ ree,
’N Chiarn jeh sheshaght niau;
Son ad ta credjal ayns Mac Yee,
Dagh noid ta lhieggit roue.
Eisht shass-jee dy creeoil,
Lesh slane e niart as bree;
Goaill son y chaggey spyrrydoil
Slane eilley-caggee Yee;
Tra vees nyn obbyr jeant,
Nyn noidyn currit sheese,
As veih dagh peccah seyr, as glent,
Eisht shassoo slane ayns Creest.
Eisht shass-jee noi dagh noid,
As cur shiu eddin daue;
T’ad cheet lesh dewilys lane dy vroid,
Trooid magh ’n laa dy ghaue:
Ny-yeih nagh lhig shiu lhieu,
Dy dunnal shass-jee magh,
’n eilley sollys currit meiu,
Dy chairys flaunyssagh.
(Transcribed by Phil Gawne, Cregneash, Rushen)
Language: Manx
Collection: Sound Archive
Level: WHOLE
ID number: SA 0579/2/7i