Skeealyn Vannin, Disk 2 Track 17i: Speaker: Captain James Kinley, Peel
https://www.youtube.com/embed/IVE7bDO6k9oDate(s): 1948
Creator(s): Irish Folklore Commission
Transcript: Hymn 71: ‘How Tedious and Tasteless the Hours’
Yn arrane tree feed as nane jeig
Song three score and eleven
1.
O s’liauyr yinnin gennaght dagh oor,
Gyn fakin ny sodjey my Yee!
Ny poseeyn share t’er yn ooir,
Veagh dooys fegooish miljid erbee:
Yn ghrian houree jeeaghyn gyn bree,
Yn magher fardail da cur mess;
Agh tra ta mee maynrey ayns Jee,
Ta’n geurey myr sourey dou eisht.
2.
E ennym feer eunyssagh t’eh:
E ghoan ta gerjoilagh as mie:
Veih ’enish ta’n dorraghys chea,
T’eh gerjagh mee ooilley cheu-sthie:
Dy beign myr shoh still marish Jee,
Veign still fegooish aggle as feme:
Ny s’maynrey ny dooinney erbee,
My hourey veagh ooilley yn vlein.
3.
Hiarn vyghinagh my ta mee lhiat,
My t’ou my arrane as my ghrian;
Cre’n oyr ta mee gaccan as plaiynt?
As kys ta my yeurey cha beayn?
Dagh bodjal jean geiyrt jeh my chree,
As gerjee mee nish lesh dty ghoo;
Ny gow mee hood hene raad nagh bee
Ayn geurey ny bodjal ny smoo.
(Transcribed by Phil Gawne, Cregneash, Rushen)
Language: Manx
Collection: Sound Archive
Level: WHOLE
ID number: SA 0579/2/17i