Skeealyn Vannin, Disk 2 Track 17ii: Speaker: Captain James Kinley, Peel
https://www.youtube.com/embed/yia7iWeajZcDate(s): 1948
Creator(s): Irish Folklore Commission
Transcript: Hymn 123: ‘Come on my Partners in Distress’
Yn arrane shey feed as tree
Song six score and three
1.
Tar shiuish, ta nish cumraagyn dou
Goll trood yn aasagh, troailt gys niau,
Ta gennaght laad yn ’eill;
Jarrood shiu nish nyn seaghyn giare,
As jeeagh shiu cooyl yn coan dy yeir,
Raad ta’n saualtagh reill.
2.
Ass roshtyn towshan eash as traa,
Jeeagh gys yn boayl dy vaynrys bra,
Raad ta nyn flaunyssee;
Er skianyn credjue trog shiu bieau,
As chionn shiu seose gys yrjey’n clieau,
Dy chosney raad da Jee.
3.
Adsyn ta surranse er y ghraih,
Nee reill ayns gloyr kiongoyrt rish dt’ oaïe;
Nyn lheid ne’oo soiagh’ jeh;
Ta liorish credjue, cummal magh
Er gys yn jerrey firrinagh
Fo’n chrosh: nee’n aittey cheau.
4.
Three keayrtyn bannit ta’n treishteil,
Troggal yn spyrryd ta failleil;
T’eh bioghey merriu neesht:
Bee’n streeu ain harrish ayns traa giare,
As shiuish as mish hed seose ’syn aer,
Ayns ooashley marish Creest.
5.
Cre’n shilley mooar erskyn dagh nhee,
Gyn coodagh hee mayd eddin Yee!
Foddey s’gloyroil ta’n ghrian:
Lhieeney ny cooyrtyn flaunyssagh
Lesh kiaull dy voylley son dy bragh;
Ayns gloyr as soilshey beayn.
6.
Yn Ayr soilshean soie er e stoyl,
Yn Mac co-beayn as cha gloyroil;
As neesht yn Spyrryd Noo:
Coardail ayns cur dooin maynrys bra,
As tuit mayd sheese cur ooashley da:
Lhieent lesh yn vaynrys smoo.
7.
Ayns treisht jeh stayd ta cha gloyroil;
Yeesey, dty chrosh nee mayd y ghoaill,
As dy feer imlee guee:
Gys nee oo shin chur lesh hood thie,
Dy ghoaill slane soylley jeh dty ghraih
As Jee ve dooin dagh nhee.
(Transcribed by Phil Gawne, Cregneash, Rushen)
Language: Manx
Collection: Sound Archive
Level: WHOLE
ID number: SA 0579/2/17ii